Италијанскиот тенисер Јаник Синер обезбеди пласман во четвртфиналето на Ролан Гарос откако го совлада францускиот тенисер Корентин Муте со 3-1 во сетови.
Ривалот го доби првиот сет со 6-2 во гемови, но потоа Синер уфрли во друга брзина и освои три сета по ред, и тоа на убедлив начин.
Во вториот му дозволи три гема на Корентин Муте, третиот го доби со 6-2 во гемови, а потоа му отстапи само еден гем, за конечни 3-1 во сетови.
Синер во четвртфиналето ќе се сретне со бугарскиот тенисер Григор Димитров, кој го елиминираше Полјакот Хуркач.
Претходно во четвртфиналето се пласираа и Циципас и Алкараз кои ќе имаат меѓусебен дуел.
