Јаник Синер успеа да дојде до трофејот од последниот грен-слем оваа сезона, САД опен, откако во финалето го совлада домашниот тенисер, Тејлор Фриц, со 3-0. Италијанскиот тенисер се чини дека го искористи раното испаѓање на Карлос Алкарас во второто коло и на Новак Ѓоковиќ во третото, па многу лесно дојде до трофејот.
Тој во интервју за АТП одговараше на прашања, а едно од нив беше кој е најдобриот тенисер на сите времиња.
„За мене најдобар на сите времиња е Роџер!“ – рече Јаник Синер, мислејќи на Роџер Федерер.
