Освојувачот на Австралијан опен, Јаник Синер, на најновата АТП листа која ќе биде објавена в понеделник, или најдоцна еден понеделник подоцна, ќе се најде на третото место. Тоа ќе биде првпат во историјата еден Италијанец да биде во топ 3 на светот.
Синер го искористи неиграњето на Данил Медведев во Доха каде лани освои 250 поени, и со пласманот во финалето на турнирот во Ротердам, собра доволно поени за да го прескокне Русинот, но на 26-ти февруари. Ако сака Синер уште задутре да стане трети, мора да го добие финалето во Ротердам каде противник ќе му биде Де Минаур од Австралија.
