Синот на легендарниот бразилски фудбалер Роналдињо, Жоау Мендес, ќе потпише професионален договор со Барселона, клубот во којшто неговиот татко ги помина најдобрите денови од кариерата.
Мендес, кој на 22 февруари ќе наполни 18 години, успешно ја помина пробата во Барселона и гордиот татко потврди дека синот наскоро ќе стане играч на каталонскиот тим.
„Можам да потврдам дека Барселона ќе потпише со Жоау. Барселона секогаш била важен дел од мојот живот и е во моето срце, а сега тоа ќе продолжи со мојот син“, изјави Роналдињо, кој се наоѓа во Барселона поради уште една причина.
Laporta: "Ronaldinho, you will always be the reason as to why Barcelona started to smile again." pic.twitter.com/U0EFSmgvI4
— Barça Universal (@BarcaUniversal) February 7, 2023
Роналдињо доби специјална награда за животно дело од весникот „Мундо депортиво“.
„Задоволство е да се биде тука, ви благодарам што верувавте дека мојата радост ѝ помогна на Барселона. Му благодарам на Лапорта, на Сандро Росел, на „Мундо депортиво“, им благодарам на моите соиграчи, со кои направивме многу убави работи“, изјави Роналдињо, кој наградата за животно дело ја прими од актуелниот претседател на Барселона, Жоан Лапорта.
