Манчестер сити стигна до најголемиот успех во клупската историја откако триумфира во Лигата на шампионите на УЕФА. Во големото финале, Сити славеше над Интер со 1:0.
По завршување на елитното европско натпреварување, УЕФА го објави и најдобриот тим за сезоната која тукушто заврши. Очекувано, доминираат фудбалери од Манчестер сити. Дури седуммина кои беа во стартниот тим на Граѓаните во финалето се дел и од најдобриот тим за сезоната. Меѓу најдобрите има место за Халанд, Бернардо Силва, Кевин де Бројне, Родри, Стоунс, Дијас и Вокер.
Финалистот Интер даде двајца играчи, и тоа Федерико Димарко и Алесандро Бастони. Двајца играчи има и од Реал Мадрид, и тоа Винисиус Јуниор и голманот Тибо Куртоа.
👕✨ Introducing the 2022/23 UEFA Champions League Team of the Season, as selected by UEFA’s Technical Observer panel.
Who would be your captain? ©️🤷♂️#UCL || #UCLfinal pic.twitter.com/tMrT2z3LPQ
— UEFA Champions League (@ChampionsLeague) June 11, 2023
Изненадувачки беше изборот за најдобар фудбалер во ЛШ за сезоната. Иако многумина очекуваа тоа да биде Ерлинг Халанд, кој постигна 12 гола и беше прв стрелец во ова натпреварување, за најдобар фудбалер беше избран Родри, кој го постигна единствениот гол во финалето за победа над Интер.
✨🇪🇸 @mancity’s final hero Rodri is the 2022/23 #UCL Player of the Season 🙌#UCLfinal
— UEFA Champions League (@ChampionsLeague) June 11, 2023
