Фудбалскиот клуб Манчестер сити преку официјалните профили на социјалните мрежи му го честиташе на американскиот астронаут Даг Харли, успешното враќање на Земјата, и притоа ја искористија можноста да се пошегуваат, величејќи го својот најдобар играч Кевин Де Бројне како вонземјанин.
„Тој е дома. Честитки за Даг Харли, одлично достигнување. П.С. Додека беше таму горе, дали го сретна Кевин Де Бројне?“ – напишаа од прес-службата на Сити.
Харли заедно со Роберт Бенкен после два месеци на мисија во вселената, успешно се вратија на нашата планета и со нивната капсула слетаа во мексиканскиот залив.
