Фудбалерот од кого се очекува да го направи трансферот број еден ова лето е Флоријан Вирц. Веќе е јасно дека тој ќе го напушти Баер Леверкузен, а како можни опции се споменуваат Баерн Минхен, Манчестер сити и Реал Мадрид.
Фармацевтите ја одредија цената на 100 милиони евра за екипите надвор од Германија и 150 милиони евра за домашната конкуренција. Се чинеше дека Вирц е најблиску до Баварците, но тешко е за верување дека тие би платиле толкаво обесштетување.
Затоа Манчестер сити е подготвен да ги плати 100-те милиони евра кои ги бара раководството на Леверкузен, а германскиот „Билд“ објавува дека фудбалерот заедно со неговите родители веќе бил во Манчестер на тајна средба со раководството на Граѓаните и со Пеп Гвардиола, па сега токму Манчестер сити е фаворит број еден за неговиот потпис. Граѓаните му предложиле и одлична понуда, според која би заработал 125 милиони евра за пет сезони.
Florian Wirtz and his parents flew to Manchester for a meeting with Pep Guardiola today. They returned to Germany this evening. Hans Wirtz did not want to comment [@BILD] pic.twitter.com/1eTkJB6MSX
— Bayern & Germany (@iMiaSanMia) May 13, 2025
