Манчестер сити на убедлив начин се пласираше во 16-финалето на ФА Купот откако на свој терен со 8:0 славеше над Салфорд. Шоуто голови започна уште во осмата минута кога погоди Доку за 1:0.
Потоа погоди Мубама за 2:0, а до крајот на првото полувреме на гол се израдува и О’Рејли. Во второто полувреме на сцена стапи Џејмс Мекати кој постигна три гола, а по еднаш во второто полувреме погодија и Доку и Грилиш.
Со хет-трикот, Мекати стана првиот Англичанец кој постигнал хет-трик во меч од ФА Купот по пауза од дури 19 години. Последен Англичанец што тоа претходно го имаше направено беше Роби Фаулер на дуелот против Скантроп во јануари 2006 година.
Ова е прв пат Сити да постигне осум голови во меч од ФА Купот по тој во далечната 1933 година кога славеа со 9:0 над Гејтсхед.
