Отворањето на 33-тите Олимписки игри делува спектакуларно. Во водите на реката Сена во Париз, качени на бродови пловат спортистите кои ќе бидат дел од најголемиот планетарен собир.
Се делува перфектно, но спортскиот новинар од Албанија, Ермал Кука јавува за скандал и пропуст на албанската делегација, а се е поврзано со знамето кое се појави на дефилето на отворањето.
„Ова е неверојатно, апсурдно и срамота! Албанија на церемонијата на отворањето на Олимписките игри преставена е со едно лажно албанско знаме кое може да се купи во најевтините продавници, а не со официјалното знаме“, напиша албанскиот спортски новинар Кука на социјалната мрежа „Х“.
За овој пост на новинарот пишуваат и останатите медиуми од регионот.
This is unbelievable, absurd and embarrassing! 🇦🇱Albania was presented in the opening ceremony of the Olympic Games with one of the fake knock-off Albanian flags you buy in cheap markets and not the official one! pic.twitter.com/TRjVJB2Oib
— Ermal Kuka (@Ermal_Kuka) July 26, 2024
