Изминативе неколку дена се одиграа мечевите од второто коло во Лига купот на Англија, попознат како Карабао куп. Победниците веднаш беа дел од ждрепката за третото коло, а таму се случи еден неочекуван скандал.
Во овој куп, традиција е клубовите да бидат наредени по абецедата и така да ги добијат броевите по кои подоцна се избрани и го добиваат следниот ривал. Токму во рангирањето на клубовите по бројките беше направена грешка. Норвич е ставен пред Њукасл, иако требаше да биде обратно според абецедата. За Њукасл беше загарантиран бројот 20, а Норвич ја доби 19-ката.
Со 20-ка како реден број, Њукасл за противник го доби најтешкиот можен противник – Манчестер сити. Актуелниот англиски првак треба да гостува кај Њукасл во третото коло од овој Куп, а дуелот е закажан за 25 септември.
Во Њукасл се жалеа поради грешката во рангирањето на броевите затоа што ако беше правилно, за Њукасл ќе беше бројот 19, а Норвич со 19-ката за противник го доби Фулам.
Од Њукасл најавија дека ќе сакаат да се коригира оваа ждрепка и да се наместат вистинските броеви на сите клубови, но од ФА засега нема никаков одговор.
If Newcastle were given their correct number in the draw (19) we would have drawn Fulham away.
As you can see, draw numbers are done in alphabetically, with the only mistake being Norwich and Newcastle in the wrong order.
Hmm @Carabao_Cup 🤔 pic.twitter.com/BlFZPAQ4Fp
— NUFC HQ (@NUFC_HQ) August 30, 2023
