Дуелот од осминафиналето на последниот годинашен гренслем-турнир, Отвореното првенство на САД, меѓу Александер Зверев и Јаник Синер го одбележа голем скандал во четвртиот сет, кога германскиот тенисер се пожали дека од трибините доаѓаат повици кои имаат врска со Адолф Хитлер.
Во четвртиот сет, при резултат 2:2 во гемови, Зверев го прекина гемот и му пријде на судијата да се пожали дека некој од трибините ја извикна „најпозната фраза на Хитлер во историјата“.
Security was looking for a fan who yelled during the Jannik Sinner & Alexander Zverev match.
Zverev said he yelled "the most famous Hitler phrase.”
Security looked for the person for at least 10 minutes.
They escorted a fan out & the crowd cheered as they left. pic.twitter.com/QDClUPqPwu
— The Tennis Letter (@TheTennisLetter) September 5, 2023
Тогаш судијата се сврте кон трибините и рече: „Кој го рече тоа? Крени ја раката. Кој го рече тоа?“.
Потоа мечот беше во прекин десетина минути додека обезбедување го бараше лицето кое го цитираше нацистичкиот лидер. Откако го пронајде, го отстрани од трибините.
Alexander Zverev and Jannik Sinner treated the #USOpen to a classic! pic.twitter.com/XJ5WBReKnJ
— US Open Tennis (@usopen) September 5, 2023
На крајот, победата во маратонскиот меч кој траеше четири часа и 41 минута ја однесе Зверев, и тоа во пет сета. Германецот победи со 6:4, 3:6, 6:2, 4:6, 6:3 и си закажа четвртфинална пресметка со првиот носител и бранител на трофејот, Карлос Алкарас.
Пласман во четвртфиналето обезбеди и Данил Медведев, кој прво се мачеше, но кога го пронајде ритамот, рутински го победи Алекс де Минор со 2:6, 6:4, 6:1, 6:2.
Во женска конкуренција, втората носителка Арина Сабаленка е последна четвртфиналистка откако во осминафиналето само за 76 минути со 6:1,6:3 ја победи Русинката Дарија Касаткина.
