Одбојкарската репрезентација на Србија не се појави попладнево на терен за да одигра меч против Косово на зонскиот квалификациски турнир за Европското првенство 2024 за играчи родени 2007-ма и помлади, кој се одржа во Струмица.
Тоа требаше да биде меч за петто место (Македонија освои четврта позиција), а Србите одбија да играат. Тие се оправдувале дека имаат девет болни играчи, но Косовците не им веруваат и дека сметаат дека позадината е политичка. Косово го доби мечот со службени 3-0, но бараат и дополнителна санкција за Србите.
Претседател на Европската федерација, ЦЕВ, е Србинот Александар Боричиќ, па мали се шансите Србија да биде казнета.
