Женската одбојкарска репрезентација на Израел своите домашни натпревари од квалификациите за пласман на Европското првенство ги игра во салата „Парк“ во Струмица.
Израелките во средата очекувано загубија со 0-3 од Словенија, но овој меч се најде во центарот на вниманието на европската одбојкарска јавност откако завршил скандалозно.
На одбојкарските натпревари праксата е двете екипи да се ракуваат на мрежата по завршување на натпреварот, но одбојкарките од Словенија одбиле да го направат тоа. Случајот е забележан од делегатот на натпреварот, а сега се очекува реакцијата на Европската одбојкарска федерација, ЦЕВ.
Она што е интересно, Израел ќе одигра уште еден натпревар како домаќин во Струмица во сабота, кога ќе ја пречека селекцијата на Естонија.
