Францускиот тенисер Уго Гастон направи неверојатен потег на АТП челинџер турнирот во Верона. На дуелот против Марк Трунгелити, Французинот реши да го предаде мечот и тоа на само еден поен пред крајот.
Резултатот беше 1:1 во сетови, а во решавачкиот трет сет, аргентинскиот тенисер имаше предност од 5:2 и 40:0 што значи дека на располагање имаше три меч топки. Во тој момент, Гастон кој требаше да сервира, едноставно го остави топчето и дојде до мрежата да му подаде рака на противникот.
https://twitter.com/i/status/1683975674028064769
Навивачите со воодушевување ја дочекаа победата на Трунгелити, но веднаш потоа се отвори сомнеж дека нешто не е во ред, па од АТП најавија дека ќе отворат случај за овој дуел. Уго Гастон моментално е на 92 место на АТП листата, а овој негов необјаснлив потег ќе биде разгледан дали има некоја позадина тоа што реши да го предаде дуелот.
