На седумте стадиони на кои вечерва се играат натпреварите од Лигата на шампионите се постигнати само шест гол после првите 45 минута и тоа сите шест гола се на различни натпревари. Единствениот натпревар без голови после првиот дел е оној во Бирмингем, помеѓу Астон вила и Баерн Минхен.
Најголемото изненадување после првиот дел е водството на Лил против Реал Мадрид, откако Џонатан Дејвид во третата минута од судиското надополнување на првото полувреме беше успешен реализатор на најстрогата казна.
Изненадувачко е и водството на Динамо Загреб против Монако, со голот на Петар Сучиќ во третата минута од продолжението.
Ливерпул очекувано има водство во дуелот против Болоња, со погодокот на Алексис Мекалистер, кој во 11-тата минута се најде во вистинско време и на вистинско место да ја затресе противничката мрежа.
Екипата на нашиот Елиф Елмас, Лајпциг, има водство од 1-0 против Јувентус после првиот дел. Единствениот гол бело дело на незадржливиот словенец, Бенјамин Шешко, во 30-тата минута.
Резултати:
Астон вила – Баерн Минхен 0-0
Бенфика – Атлетико Мадрид 1-0
Динамо Загреб – Монако 1-0
Лил – Реал Мадрид 1-0
Ливерпул – Болоња 1-0
Лајпциг – Јувентус 1-0
Штурм Грац – Бриж 0-1
