Наполи и Интер се двата тима кои до последната минута ќе се борат за титулата во италијанската Серија А. Во последното коло Наполи влегува како лидер со 79 бодови, еден повеќе од актуелниот првак Интер кој има 78 бодови.
Во последното коло Наполи на свој терен го пречекува Калјари, а Интер ќе гостува кај Комо. Челниците на Серија А одлучија шампионскиот трофеј да биде на стадионот „Диего Армандо Марадона“ каде што Наполи пред своите навивачи ќе бараат победа за сигурно освојување на шампионскиот трон.
Сепак, постои опција, ако Наполи не победи, а Интер слави на гости кај Комо, Нераѕурите да бидат прваци. Во тој случај, Интер ќе треба д го добие пехарот и медалите, но челниците на Серија А немаат резервен план за тоа да се случи в петок, кога ќе се игра средбата.
Најавите се дека ако Интер стане првак, нема да има никакво славје на гостите во Комо, а шампионскиот пехар и медали за Нераѕурите ќе бидат доделени на посебна церемонија в недела.
