Хрватот Славен Билиќ договори двегодишна соработка со ВБА, клуб кој е член на англиски Чемпионшип, а сезонава испадна во полуфиналето од разигрувањето за место во Премиерлигата, од Астон Вила.
Договорот е потпишан денеска, а целта на Билиќ ќе биде да го внесе клубот во елитното друштво. Интересно е што ВБА е омилениот странски клуб на тенисерот Горан Иванишевиќ.
Ова е враќање на Билиќ во Англија после 2017 година. Тој од 2015 до 2017 седеше на клупата на Вест Хем, а минатата сезона работеше во саудиски Ал Итихад. Како играч, Билиќ во Премиерлигата настапуваше за Вест Хем и Евертон.
