Германскиот новинар Флоријан Плетенберг верува дека Ханси Флик може да биде новиот тренер на Барселона од следната сезона. Според најавите, Флик решил да ја смени менаџерската агенција која го застапува и сега е дел од агенцијата на Пини Захави.
Тоа е човекот кој меѓу многуте фудбалски имиња е менаџер и на Роберт Левандовски и тој го договори трансферот на Полјакот во Барселона. Захави е во одлични односи со претседателот на каталонскиот гигант, Жоан Лапорта, и токму затоа сега се засилени шпекулациите дека Флик е наследникот на Чави Ернандес.
🚨Excl. News Hansi #Flick:
Understand that Pini #Zahavi is the new agent of Flick. Flick wants to use the network and experience of Zahavi, he’s ready to take over a new project.
➡️ He’s one of the names on the big list of Barcelona
➡️ Flick has also inquiries from the… pic.twitter.com/hGedo7Jmh8
— Florian Plettenberg (@Plettigoal) February 15, 2024
Флик е без работа веќе шест месеци, откако беше сменет од селекторското место во германската репрезентација поради серијата лоши резултати. Пред тоа беше предводник на Баерн Минхен, со кого доминираше во Германија, а ја освои и Лигата на шампиони.
Како главен противкандидат на Флик се споменува Роберто де Ѕерби, кој во моментов има ангажман во Брајтон.
