Ливерпул загуби од Манчестер сити пред својата публика со 1-2, иако во 74-тата минута дојде во водство, но Силва во 84-тата и Халанд од пенал во 93-тата минута направија пресврт. На крајот, Собослаи доби црвен картон во 103-тата минута и нема да игра против Сандерленд.
„Во првото полувреме Манчестер сити беше подобар тим, без да создаде многу шанси за гол, но ја контролираа топката повеќе во нашата половина. Во второто полувреме ние доминиравме и имавме добри моменти. Поведовме со 1:0 и речиси воопшто не им дозволивме шанси. Точно пред крајот едно нафрлање стигна до нив и резултатот стана 1:1. Се обидовме да го спречиме тоа, но тие го добија првиот удар со глава. Добро предвидување од Бернардо Силва и добра завршница. Веќе речиси се навикнавме да примаме голови во судиското продолжение – сега тоа се случи повторно“, рече Слот.
Сепак, тренерот на Ливерпул не ги одмина и судиите, кои според него се главните виновници за поразот.
„Можам да живеам со фактот, иако не ми се допаѓа дека судијата ги следи правилата со Доминик, кој прави прекршок над Халанд – очигледно влечење за дрес кога тој беше пред голот и можеше да постигне погодок. Тоа е црвен картон и менаџерот на Сандерленд навистина ќе биде среќен што е покажан црвен картон и што правилата се испочитувани. Тој беше сам пред голманот. Секој на стадионот знаеше дека во последните седум или осум години тоа е гол за Салах. Ако тоа не е црвен картон… Тоа е моето главно разочарување. Уште еднаш судијата донесе одлука против нас. Тие мора да си ја работат својата работа“, дополни Слот.
Ливерпул во среда му гостува на Сандерленд, а Собослаи поради црвениот картон ќе биде суспендиран и нема да биде дел од составот на Црвените за ова гостување.
