Менаџерот на Ливерпул, Арне Слот, зборуваше по ремито 2-2 на неговиот тим против Фулам во натпреварот од 16. коло на англиската Премиер лига. Холандскиот стратег го изрази своето разочарување од резултатот, но истакна интересна забелешка дека неговите играчи играле подобро кога останале со играч помалку.
„Многу работи се случија, но за мене најважно беше колку импресивно игравме со десетмина играчи. Резултатот е разочарувачки, особено ако се земе предвид дека игравме против Фулам на домашен терен. Имаше долги прекини во играта, а тоа можеби ни помогна. Трчавме како да сме 11 играчи и покажавме исклучителен притисок. Кога имавме израмнети сили, имавме повеќе проблеми отколку по исклучувањето. Се случува да добиеш црвен картон, но добро е што имаме тим кој е многу тежок за победување. Загубивме од Нотингем Форест и изгубивме бодови против Арсенал и Њукасл. Не сакам да губам бодови на домашен терен против Нотингем и против Фулам“, изјави Арне Слот.
И покрај ремито, Црвените имаат солидна предност на врвот од табелата од пет бодови.
