Менаџерот на Ливерпул, Арне Слот, изјави дека неговиот тим ќе се соочи со голем предизвик да го совлада Реал Мадрид. Утре двата тима ќе се сретнат на „Енфилд“ во петтото коло од групната фаза на Лигата на шампионите.
„Ова е многу тежок предизвик, не само за Ливерпул, туку и за секој клуб во Европа, затоа што тие можат да победат на толку многу различни начини“, изјави Слот.
„Тие ја имаат освоено Лигата на шампионите толку многу пати, дефинитивно знаат како да победуваат и како да доминираат. Но, ако натпреварот биде тежок, секогаш наоѓаат начин да победат или да се пласираат понатаму. Тоа ги прави посебни“, додаде менаџерот на Ливерпул.
