На Светското првенство за ракометари до 19 години кое се одржува во Египет се појави играч кој го предизвика вниманието и сигурно е дека му претстои светла иднина ако се развива во правилен правец.
Словенецот Аљуш Анжиќ има само 17 и пол години, а на СП за играчи до 19 години издоминира на денешниот меч против Норвешка, постигнувајќи дури 23 гола, и тоа од 25 шута кон противничкиот гол, што е неверојатна 92 отсто реализација. Средбата заврши 37-37, но ќе се памети по шоуто на Аљуш, кој е член на Пивоварна Лашко од Целје.
На првите три меча на ова СП заедно Анжич даде вкупно 16 гола, а ова денеска беше вистинска ракометна експлозија.
