Првиот противник на Македонија на претстојното Европско првенство во ракомет, селекцијата на Словенија, вечерва во Целје во пријателски меч славеше над Хрватска со 33-26.
На две недели пред дуелот со Македонија во Дебрецин, Словенците и некомплетни покажаа дека се опасен тим, кој не случајно беше четврти на ЕП минатата година. Нападот на Словенија беше расположен во целиот меч, а во вторите 30 минути покажаа дека кога сакаат, знаат да играат и цврсто во одбрана.
Во двата тима фалеа ракометари кои настапуваат во германското првенство. На 5 јануари Словенија ќе има контрола против Италија.