Жоао Гомес е еден од поинтересните играчи за европските клубови, а тој во моментов игра за бразилскиот Фламенго.
Дваесет и едногодишниот играч од средината на теренот игра одлично во оваа сезона и со своите игри го привлече вниманието на неколку големи европски клубови, а меѓу нив е и Ливерпул. Штом фудбалерот слушна дека има интерес од „Енфилд роуд“, тој сам си даде изјава.
„Имам голема желба да играм за тој тим, Ливерпул е тим за којшто би прифатил да играм. Сакам да играм во Лигата на шампионите“, изјави Гомес за бразилските медиуми.
Овој фудбалер со првиот тим на Фламенго е од 2020 година, а има 37 настапи, како и еден постигнат гол.
