Во Бостон селтикс не го прифатија најдобро вториот пораз во финалната серија на Источната конференција во НБА-лигата, а особено тоа се однесува на Маркус Смарт, кој според американските медиуми, дивеел по мечот и предизвикал хаос во соблекувалната на Келтите. Смарт бил слушнат како им се дере на своите соиграчи, пцуел, а потоа од лутина почнал да фрла предмети.
Дури и кога завршил со туширање и излегол од соблекувалната, Смарт продолжил да се дере. Тој не сакаше да даде изјава за медиумите, а пред новинарите се појави Кемба Вокер, кој за однесувањето на Смарт рекол дека „не е ништо страшно“ и дека нема што многу да се зборува на таа тема. И тренерот Бред Стивенс застана во одбрана на Смарт.
„Момците беа многу емотивни по овој тежок пораз“, изјави Стивенс.
