Емил Смит Роу долго ќе игра за Арсенал откако денеска го продолжи договорот со Топчиите, чиј член е од деветгодишна возраст.
Офанзивниот играч за врска има 20 години, а интересно е што го смени бројот на дресот, па сега ќе ја има десетката што му припаѓаше на Месут Озил.
New season.
New contract.
New number.✍️ @emilesmithrowe pic.twitter.com/DT13LjBD1B
— Arsenal (@Arsenal) July 22, 2021
Смит Роу двапати беше на позајмица, најпрво во Лајпциг, а потоа и во Хадерсфилд, но се врати во Арсенал и имаше солидна сезона, иако на почетокот беше повреден.
„Емил е многу интелигентен играч и се радувам што го продолжи договорот. Од него Арсенал очекува многу во иднина“, изјави Микел Артета, тренерот на Арсенал.
Арсенал за Смит Роу имаше неколку понуди од реномирани клубови, но ги одби и потпиша нов договор со својот фудбалски талент.