Саломон Калу, напаѓачот на Херта Берлин, е суспендиран од клубот поради непромислениот потег да се вклучи во живо на социјалните мрежи додека е во клупската соблекувална. Преку снимката на Калу се гледа дека во соблекувалната на Херта не се држи социјалната дистанца која е потребна и дека хигиенските услови не се на потребното ниво во услови на пандемија.
„Сала, Сала те молам избриши го тоа“, се слуша како вели клупскиот лекар на Херта кога забележал дека Калу ја снима ситуацијата во соблекувалната. Поранешниот фудбалер на Челзи објаснува дека само се шегува и си заминува од соблекувалната.
Сепак, оваа снимка предизвика многу негативни реакции во јавноста, па се шпекулира дека може да биде и причина за да се одложи најавуваното враќање на Бундеслигата. Од Херта се извинија и потврдија дека го суспендирале недисциплинираниот Калу.
„Ова е неуспех само на еден играч. Фактот дека соиграчите не му обрнаа внимание на непримерното однесување го покажува тоа. Факт е дека хигиената треба да биде на уште поголемо ниво. Калу ѝ нанесе голема штета на Херта, но и отвори дебата на социјалните мрежи дали треба да се продолжат мечевите во Бундеслигата“, стои во пораката од Херта Берлин.
Hier das Video von #Kalou aus dem Facebook Livestream: #Hertha #Bundesliga
“They took eleven percent” “Why are they f**ing with us?” pic.twitter.com/ezM0kEgeSJ
— Christopher Hahn (@Hahnebuechen) May 4, 2020
Hier das Video von #Kalou aus dem Facebook Livestream: #Hertha #Bundesliga
"They took eleven percent" "Why are they f**ing with us?" pic.twitter.com/ezM0kEgeSJ
— Christopher Hahn (@Hahnebuechen) May 4, 2020
