Екипата на Оклахома се пласираше во конференциското финале во НБА плејофот откако во решавачкиот меч против Денвер нагетс, победи со убедливи 125:93. Со овој триумф пред своите навивачи, Оклахома стигна до клучната четврта победа против Денвер и си обезбеди пресметка со Минесота.
Оклахома која го имаше убедливо најдобриот биланс во регуларниот дел од сезоната, се намачи против Денвер и дури во седум меча продолжи понатаму. На решавачкиот меч, Денвер започна добро и гостите водеа со 26:16 пред крајот на првата четвртина.
Потоа следуваше серија од 13:0 на Оклахома за водство на гостите и тоа што е интересно, од тој момент, па до крајот на средбата, домаќините не беа во негатива. Денвер држеше ритам до 42:41, а многу брзо потоа резултатот покажуваше 56:43.
The buzzer is no problem for Zai 🤷 pic.twitter.com/C3H3RCGmZj
— OKC THUNDER (@okcthunder) May 18, 2025
Од тој момент, па до крајот, разликата ниту еднаш не се спушти под 10 разлика. Шеј Гилџес-Александер со 35 поени беше предводник на победничкиот тим, а Вилијамс додаде 24 поени. Кај Денвер, прв стрелец беше Никола Јокиќ со 20 поени, девет скока и седум асистенции, а Браун додаде 19 поени.
