Фудбалерите на Македонија ЃП се елиминирани уште на стартот, во првото квалификациско коло за пласман во Лигата на конференции и тоа од летонскиот тим РФС Рига.
Лавовите загубија и на двата меча, на првиот дуел кој се играше во Скопје, беше 1:0 за летонскиот тим, а денеска поразот беше поубедлив, 4:1.
Слично како и во првиот дуел, РФС Рига поведе во финишот од првиот дел, Куадио во 43-та минута го отвори резултатот.
На стартот од второто полувреме, Лавовите го постигнаа единствениот гол во двомечот, во 50-та минута преку Кристијан Стојковски.
Надежите за пресврт на Македонија ЃП траеја само осум минути по што Куадио носи повторно предност за РФС Рига.
Паниќ во 68-та минута зголеми на 3:1, а во финишот, Зеленковс постигна гол за убедлив триумф на РФС Рига од 4:1.
