Марио Балотели четири месеци беше без клуб откако ја напушти Аданаспор, пред да потпише со Џенова, но се чини дека сега повторно ќе го промени клубот. Поранешниот италијански репрезентативец е незадоволен од минутажата која ја добива, со оглед на тоа дека на теренот мина само 56 минути, иако собра шест настапи.
Тој веќе им бил понуден на Венеција и на Монца, но најверојатна опција за неговата иднина е мексиканскиот Крус Азул, од каде што му нудат годишна плата од два милиони евра. Во својата кариера Балотели настапуваше за Лумецане, Интер, Манчестер сити, Милан, Ливерпул, Ница, Марсеј, Бреша, Монца, Адана и Сион, па доколку се одлучи да потпише за Крус Азул, тоа ќе биде прво искуство надвор од Европа.
Балотели за репрезентацијата на Италија одигра 36 натпревари, на кои постигна 14 гола.
