Американската турнеја на Манчестер јунајтед заврши со пораз на Црвените ѓаволи од 2-3 против Борусија Дортмунд пред повеќе од 50.000 гледачи во Лас Вегас.
Стрелци за Борусија беа Мален (два) и Мукоко, а за Манчестер погодија Далот и Антони.
Деби во дресот на Борусија имаше бившиот играч на Јунајтед, Марсел Забицер, кој беше стартер и имаше асистенција.
За тимот на менаџерот Ерик Тен Хаг ова беше трет пораз по ред во контролите откако губеа и од Рексам и Реал Мадрид, додека тимот од Дортмунд ги доби сите досегашни контроли.
Следен тест за Борусија е оној со Челзи на 3 август, а Манчестер ќе се сретне со Ленс на 5 август.
