Вчера и завчера се комплетираа првите дуели од осминафиналето во Лигата на шампионите, а во многуте интересни дуели, посебно внимание привлече лошата изведба на голманот на Тотенхем, Антонин Кински. Младиот 22-годишен чувар на мрежата за првпат бранеше во дуел од Лигата на шампионите, а на теренот остана само 16 минути.
You’ve taken a risk on a young keeper and it’s backfired. As a manager you need to take responsibility. At least console him. Tudor has used Kinsky like a disposable razor pic.twitter.com/H2jEZtbcmy
— Pythagoras In Boots ⚽️ (@pythaginboots) March 10, 2026
За тие 16 минути, Кински прими дури три гола, а за два беше директен виновник правејќи катастрофални грешки. По тие грешки, тренерот на Тотенхем, Игор Тудор, реши да го извади Кински од игра. Многумина имаа критики за тој потег на Тудор, велејќи дека „го изгорел“ младиот голман.
По повеќе од 24 часа од катастрофалниот настап, Кински реши да се „јави“ во јавноста. Преку социјалните мрежи тој постираше фотографија од мечот кој беше очаен за него, а пораката што ја даде гласеше: „Ви благодарам на пораките. Од сон до кошмар, па повторно до сон“, постираше Кински на својот инстаграм-профил.
