Фудбалската репрезентација на Македонија низ историјата има одиграно вкупно 12 натпревари против островските земји. Половината од нив се против Англија, шест, четирипати имаме играно против Шкотска, а само двапати против денешниот противник, Велс.
Токму против Велшаните го имаме и најдобриот скор, една победа и еден пораз. Во квалификациите за Светското првенство 2014 најпрво ги победивме дома со 2-1, а потоа загубивме во Кардиф со 1-0. Посакуваме и вечерва да биде токму како во 2013 година, кога се радувавме на победа против Велс.
Против Шкотска на четирите дуели имаме по една победа и нерешено, како и два порази. Во првиот меѓусебен дуел во 2008 година славевме со 1-0 во Скопје, но на реваншот бевме поразени со 2-0. Во квалификациите за Светското првенство 2014 игравме 1-1 во Глазгов, а бевме поразени со 1-2 во Скопје.
Најмногу дуели имаме против Англија, но и најлош биланс. На шесте меча немаме победа, но имаме три нерешени и три порази. На домашен терен двапати губевме со 1-2 и 0-1, а на последниот дуел одигравме 0-0. Незаборавни се дуелите во Саутхемптон и Манчестер во 2002, односно 2006 година, кога игравме нерешено, но и поразот од 7-0 на последното гостување на Островот.
Вкупно против селекциите од Островот имаме две победи, четири нерешени и шест порази, со гол-разлика од осум дадени и 19 примени голови.
