МЗТ Скопје имаше пријатна и многу успешна сараевска авантура во АБА 2 лигата, што ја заврши и со трета победа вечерва против Ловќен со 100:81.
Аеродромци го завршија циклусот од три меча во главниот град на БиХ со три победи, што им го обезбеди второто место со биланс од 6-1 во Регионалното натпреварување.
Во последниот меч за 2021 година во АБА 2 лигата, скопјани веднаш најавија дека одат на хет-трик во Сараево.
Дастин Вер повторно беше командант на разиграното јато на Штрковите од Аеродром и со 19 поени ги предводеше до шестата победа во седмиот меч во Регионалното натпреварување.
МЗТ водеше со 10 поени разлика по првата четвртина, а на полувреме имаше 11 и веќе беше јасно дека Ловќен нема шанси за подвиг.
⚡️ Juan Davis brings it down!@kkmztskopje | @1947_kk #ABALiga2 pic.twitter.com/JgIURE0oqf
— ABA Liga 2 (@ABA_League2) December 19, 2021
Со атрактивна игра во продолжението по три периоди од по 10 минути, МЗТ водеше со 85:58, а заврши со стотка за крај на убавата 2021 година во АБА 2 лигата.
Мекиќ уфрли 15 поени, Крстевски додаде 11, а аеродромци од втората позиција го чекаат продолжението на АБА 2 лигата.
