Адријан Ортола и Сони Стивенс вчера како да се натпреваруваа кој ќе прими посмешен гол, а и двајцата голмани направија кардинални грешки.
Таа на Стивенс од деветтата минута на мечот меѓу неговиот Камбур и Алмере не беше кобна за тимот, бидејќи домаќините победија со убедливи 7:2.
Сепак, Стивенс на чуден начин го процени летот на топката и му дозволи на Блексон да го лобува од 30-тина метри, и тоа од тешка позиција откосо.
Уште посмешна беше реакцијата на голманот на Тенерифе, Адријан Ортола, кој имаше чиста топка в раце, но ја испушти и таа му се протна во мрежата.
Голот што го прими Ортола можете да го погледнете ОВДЕ.
Со тој погодок што му е запишан како автогол на Ортола, Тенерифе загуби од Лас Палмас со 1:0 на гостински терен.
