Ливерпул дојде до три од три на стартот од Премиер лигата, откако го совлада и Арсенал во големото дерби на екипите кои се најсериозни кандидати за титулата.
„Црвените“ можеби за нијанса беа подобриот противник и екипата која создаде повеќе шанси, но одлуката околу победникот падна во 83-тата минута и тоа од слободен удар.
Унгарскиот интернационалец, Доминик Собослаи, со вистински еврогол од преку 30 метри го „сруши“ Арсенал и го искачи Ливерпул осамен на премиерлигашкиот врв.
По три премиерлигашки кола, Ливерпул е единствената екипа со максимални девет бода, додека Арсенал е третопласиран и со најдобра гол-разлика од петте екипи со по шест бода.
