Поранешниот играч на Барселона и Ливерпул Артур Мело доживеа непријатно искуство во центарот на каталонската престолнина. Бразилскиот интернационалец сезонава го носи дресот на Жирона и тоа како позајмен играч од Јувентус.
Според извештајот на Диарио Ас, 28-годишниот Мело по завршување на тренингот заминал во Барселона на шопинг. Околу 16 часот, додека купувал паркинг билет, двајца мажи му се прикрале од за грб и за само неколку секунди му украле неколку работи.
Еден од крадците успеал да му го украде и часовникот што Мело го носел, а потоа со моторцикл избегале. Мело не бил повреден во инцидентот. Жирона утре игра против Алавес, а Бразилецот треба да биде подготвен за настап.
