Оле Гунар Солскјер најавува ново изненадување за сите навивачи на Манчестер јунајтед. Норвешкиот стратег го покани во стручниот штаб на „црвените ѓаволи“ да се приклучи Пол Сколс. Тоа е играч од шампионските денови на Манчестер. Сколс ги освои сите најзначајни трофеи и одлично соработуваше со Солскјер на теренот. Сега Солскјер го кани да бидат заедно и во тренерскиот табор на најтрофејниот англиски клуб.
„Веројатно има свои причини зошто Пол реши да си оди, но јас му пратив порака. Го поканив да дојде тука ако сака и да поразговараме околу идејата да се врати во нашиот клуб“, откри Солскјер.
Сколс неодамна ја започна тренерската кариера. Пред само 31 ден беше промовиран во тренер на Олдам, но самиот реши да си замине по еден месец работа.
