Бруно Фернандеш, еден од најдобрите играчи на Спортинг Лисабон, е пред преселба во редовите на Манчестер јунајтед. Трансферот кој се најавуваше уште пред почетокот на летниот преоден рок по сите изгледи ќе се исполни бидејќи Португалецот вчера го одигра можеби последниот натпревар за Лавовите.
Во поразот од Валенсија со 2-1, Фернандеш излезе од игра во последните минути, а откако се смети на клупата, не можеше да ги спречи солзите, како и по мечот кога се поздрави со фановите на тимот од Лисабон.
Токму тие солзи ги засилија шпекулациите дека преселбата на Островот вредна 90 милиони евра ќе се реализира во најскоро време. Фернендеш ќе биде дел од трите големи засилувања на Црените ѓаволи во следниот период бидејќи се очекува да пристигнат и Милинковиќ-Савиќ од Лацио и Мегваер од Лестер.
Офанзивниот играч за врска минатата сезона експлодираше во дресот на Спортинг постигнувајќи 32 гола и 18 асистенции, од кои 20 погодоци и 13 асистенции ги запиша во португалскиот шампионат.
