Новото коло на Фантази Премиер лигата на Спорт Манија покажа дека добитна комбинација беше да се има играчи на Тотенхем и на Арсенал. Лондонските тимови одиграа одлично викендов, Тотенхем со 6:2 го победи Лестер, а Арсенал со 3:0 славеше над Брентфорд.
Ѕвезда на колото беше Сон од Тотенхем, кој постигна дури три гола, и тоа само за 30-тина минути поминати на терен. Сон во игра влезе во 59-тата минута и успеа да постигне хет-трик, па заработи вкупно 19 поени.
Андреј Петковски со тимот Магаза го имаше токму Сон за капитен, па му донесе одлични 38 поени, а од Тотенхем го има и Кулушевски со 5 поени. Триото од Арсенал беше одличен избор. Вајт донесе 6 поени, Сака 9, Жезус 6 поени. Силната дефанзивна линија ја дополнија Кансело и Мингс со по 9 поени во ова коло и на крајот Петковски заврши со одлични 98 поени.
Еден бод зад Петковски е Блаже Поповски со 97 поени. И Поповски како капитен го има Сон и Кулушевски во средината, а одбраната му е „бетон“ со Салиба (15 поени), Кансело (9) и Трипие (5). Во нападот работата си ја завршија Халанд и Жезус кои постигнаа по еден гол за своите екипи.
Одличен тим има склопено и Александар Ричлиев, кој со тимот на ЈогаМастер во ова коло собра 88 поени. Секако дека Сон е капитен и на овој тим и дека Кансело (9) и Трипие (5) се во одбраната. Во нападот се Кејн (10 поени) и Халанд (6).
Првопласираните тројца во ова коло Спорт Манија Фантази Премиер лигата ќе добијат вредносни ваучери од Sport Life. Првопласираниот добива ваучер од 300 денари, вториот е со вауер од 200, а третиот има ваучер од 100 денари. Сите тројца треба да пишат порака на фејсбук-страницата на Спорт Манија.
