Во 29 коло на холандското првенство утрехт минимално со 1:0 го победи Твенте, а стрелец на погодокот вреден три бода за домаќините беше Ван де Стрек. Иако Твенте играше многу подобро на овој меч, гостите не реализираа ниту една од многуте шанси што ги имаа.
Фудбалерите на Твенте со автобус тргнаа кон дома, но во еден момент се случи драма. На сред автопат, автобусот морал да сопре затоа што на еден од фудбалерите му се слошило. Екипа на Брза помош пристигнала и го преземала фудбалерот.
„На автопатот А1 сопре автобусот на Твенте. Тука беше и Брзата помош, која му даде помош на еден од фудбалерите. Од клубот не сакаат да откријат за кој играч се работи“, пишуваат медиумите во Холандија, кои покажаа и снимка од целата ситуација, која може да ја видите ТУКА.
