Јирген Клоп не менуваше ништо во нападот за реванш-дуелот на Ливерпул против Интер вечерва од 21 часот на „Енфилд роуд“ и ударното трио Салах-Мане-Жота повторно ќе биде главна закана за шампионот на Италија.
Кај Интер го нема Един Џеко, кој беше стартер на првиот меч, па Лаутаро Мартинес ќе биде осамен во нападот на гостите, кои ќе бркаат негатива од 0:2 од првиот осминафинален меч во Лигата на шампионите.
Во втириот реванш-меч вечерва ќе играат Баерн и Салцбург во истиот термин од 21 часот, а на првиот дуел во Австрија беше 1:1.
