Јувентус го објави назначувањето на Лучано Спалети за главен тренер, а 66-годишниот тренер потпиша договор кој важи само до 30 јуни 2026 година, но ако Јуве се пласира во Лигата на шампионите, договорот автоматски ќе се продолжи.
Искусниот Спалети е тренер кој има освоено титули во лигите на Русија и на Италија, а до неодамна беше селектор на Аѕурите.
По смената на Игор Тудор и назначувањето на Лучано Спалети, се огласи една од најголемите ѕвезди на Старата дама, напаѓачот Душан Влаховиќ.
„Сменивме тројца тренери за година и пол. Треба да се погледнеме во огледало и да сфатиме што правиме погрешно. Не мислам дека е фер да се обвинува поединец, сите сме виновни. Треба помалку да зборуваме, а повеќе да работиме, да се вратиме на квалитетен фудбал и на победи“, рече Влаховиќ.
