Реал Мадрид го доби градското дерби против Атлетико со 3-2 и се врати на минус четири од Барселона. Мечот на „Сантијаго Бернабе“ понуди од се по нешто. Фудбалската драма беше збогатена со пет гола, пенал и црвен картон, а на крајот „кралевите“ беа тие кои се радуваа.
Адемола Лукман во 33-тата минута најдобро се снајде во противничкиот шеснаесетник и го донесе Атлетико во водство од 0-1. Тој резултат беше и на семафорот и на крајот од првиот дел.
Во 52-рата минута пенал за Реал Мадрид, а Винисиус беше прецизен реализатор. Само четири минути подоцна комплетен пресврт со голот на Феде Валверде.
Најубавиот момент на мечот се случи во 66-тата минута, кога Нахуел Молина со вистинска бомба од преку 20 метри успеа да го совлада Лунин и да израмни на 2-2.
Сепак, радоста за „јорганџиите“ траеше кратко, бидејќи Винисиус во 72-рата минута успеа да постигне еврогол со кој ги постави конечните 3-2 за Реал Мадрид.
До крајот на натпреварот на „Сантијаго Бернабе“, Реал Мадрид остана со играч помалку, откако Феде Валверде заработи директен црвен картон.
