Барселона води со 2:1 на гостувањето во Белград против Црвена ѕвезда по првото полувреме во меч од четвртото коло во Лигата на шампиони. Ова е најефикасниот дуел кој се игра вечерва по првите 45 минути во елитната лига на УЕФА.
Гостите од Шпанија поведоа со голот на Мартинез по одлично изведениот слободен удар на Рафиња.
Голема радост за домашните навивачи на преполниот стадион „Рајко Митиќ“ донесе Силас со погодокот во 27 минута, откако успеа да избегне една офсајд замка. Повеќе од 53.000 навивачи на популарната Маракана се радуваа на овој погодок.
Сепак, Барселона до полувремето стигна до нова предност. Се играше 43 минута кога Левандовски се најде на вистинското место и погоди за 2:1 за гостите.
Пари Сен Жермен и Атлетико Мадрид играат 1:1, а Интер со голот на Чалханоглу од пенал во 45+3 минута има предност од 1:0 во дербито против Арсенал. Брест води со 1:0 на гости кај Спарта Прага. Предност од 1:0 на гости има и салцбург кај Феенорд, а нема погодоци на дуелот меѓу Штутгарт и Аталанта.
Мечот меѓу Баерн Минхен и Бенфика започна со 20-тина минути доцнење и таму не е завршен првиот дел.
