Барселона и Реал Мадрид приредија вистински кошаркарски спектакл во Евролигата, откако одиграа нерешено во регуларниот дел, 74-74, во „Блауграна“, а „кралевите“ победија дури после две продолженија со 90-97.
За Реал Мадрид ова е петта победа по ред против Барселона и втора по ред на гостински терен. „Кралскиот“ клуб со оваа победа се искачи на десеттото место со ефект од шест победи и шест порази, додека Барселона со една победа повеќе е на седмата позиција.
Гостите тргнаа одлично во „Блауграна“ и го добија првиот период со 17-22, но во втората четвртина Барселона направи комплетен пресврт и замина на паузата со водство од 38-34. Третата четвртина мина во знакот на „кралевите“, но Барселона беше на чекор од победата и имаше водство од 74-71. Откако Реал израмни и се избори за продолжение, таму веќе доминираше и заслужено победи.
Пантер со 27 поени беше најефикасен на мечот, но и тоа не ѝ помогна на неговата екипа да дојде до победата. Во редовите на Реал Мадрид најпрецизен беше Тавареш со 24 поени.
