Екипата на Реал Мадрид одигра фантастично прво полувреме од финалето на шпанскиот Супер куп против Барселона. „Кралевите“ после само 10-тина минути игра во Ријад имаше водство од 2-0, а на крајот од првите 45 минути и водство од високи 3-1.
Бразилецот Винисиус со два гола во седмата и десеттата минута букавлно ја потопи Барселона и донесе водство од 2-0 за Реал Мадрид на самиот старт.
Малку надеж за Барселона донесе полскиот репрезентативец, Роберт Левандовски, во 33-тата минута со прекрасен гол од полуволеј од работ на шеснаесетникот. Сепак, Винисиус во првиот дел дојде и до хет-трик, откако во 39-тата минута беше сигурен реализатор на удар од 11 метри.