Бетис и Барселона одиграа 2-2 во многу интересен меч од шпанската Ла Лига. Барселона кој е лидер на табелата, освои само 5 бода во последните пет кола.
Каталонците поведоа со гол на Роберт Левандовски, негов 16-ти во 16 кола сезонава.
Домашните израмија од пенал на Џовани Ло Селсо, а поради негодување, тренерот на Барса, Ханси Флик, доби црвен картон.
Победничкиот гол беше постигнат во 86-та минута кога Ламин Јамал имаше мајсторска асистенција до Феран Торес, а овој ја затресе мрежата на Бетис и се чинеше дека му го расипа 500-тиот меч на Мануел Пелегрини како тренер во Ла Лига.
Судиите прво го поништија голот, но ВАР технологијата потврди дека Торес не бил во офсајд, па гостите сепак се израдуваа. За Торес ова е четврти гол на последните две гостувања кај Бетис, минатата сезона им даде три гола.
Сепак, тука не беше готово, бод за Бетис донесе Асане Диао во 94-та минута кога даде атрактивен гол по нафрлувањето на Руибал.
Diao makes it 2-2 vs Barça in stoppage time!!
Diao’s striker-like instincts in the box paying off again
🎥: @GoalsXtra
pic.twitter.com/bKLUxfj7R3 https://t.co/FmV6YKGvkx
— Ben Mattinson (@Ben_Mattinson_) December 7, 2024
