Интер Мајами потврди дека ќе учествува на егзибициски турнир во Ријад и израдува милиони љубители на фудбалот во светот бидејќи повторно еден против друг ќе играат најголемите ѕвезди Лионел Меси и Кристијано Роналдо.
На 29 јануари Интер ќе игра со Ал-Хилал, а дуелот на тимот од Мајами за којшто игра Меси против Ал-Наср на Португалецот Роналдо ќе се игра на 1 февруари.
Последниот меѓусебен дуел на Роналдо и Меси беше во јануари годинава, кога во пријателски меч Кристијано играше за комбиниран олстар-тим од најдобрите играчи од првенството во Саудиска Арабија против Пари Сен Жермен, за кого тогаш играше Меси.
