Интер се пласира во полуфиналето на Купот на Италија откако со 2:0 славеше над Лацио во меч одигран на „Џузепе Меаца“. Марко Арнаутовиќ со спектакуларен гол пред крајот на првото полувреме му донесе водство на Интер. Тој погодок на Арнаутовиќ може да го видите ТУКА.
Сите дилеми околу победникот беа решени во 77-мата минута, кога беше досуден пенал за Интер, а Чалханоглу погоди за 2:0 и го потврди пласманот на Нераѕурите во полуфиналето на Купот на Италија.
Следниот ривал на Интер ќе биде градскиот ривал Милан. Во полуфиналето е и Болоња, екипа која го чека подобриот од дуелот Јувентус – Емполи.
